Kerstmarkt in Steendam

Zondagmorgen 16 december 2018, 07.30 uur. Weken van voorbereiding, ik doe de gordijnen open en wat zie ik:

Snai…. En dat op onze kerstmaarktdag! Wel mooi veur ’t sfeertje, moar drommels, hou kriegn wie nou de haile boudel van alle aanhangers op deel bie Peter en Leni. En wie haarn wel vief kaar’n vol.

En wie haarn wat huh: drai dikke tent’n, klaintje d’r bie veur “de Grande Entree” en hail veul spull’n, wat n boudel, wat n boudel. Dikke zörgn op vrowe mörgn, maor bie deel aankomm’n, is de snaiploug al goud in de weer. Boudel was zo schier moakt. Wel 12 man- en vrouwlu om de tent’n op te bouw’n en de handel kin d’r in. Toppie, woar ain klain dörp groot in is. Hartstikke bedaankt jongens en wichter.

Moar teeg’n uur of haaf ain, stond de haile boudel overend en stond’n de toafels en stoul’n  in de tent’n. Vuurtje fikk’n in 3 grote kaachels, ölielaampn op diek, gasding’n in tent en wie konn inricht’n. Wat veul spull’n hat elk en ain bie zich om te verkoop’n. Konst zo gek nait nömn of het was d’r wel. Dikke knip met geld mozzen ze wel mitneem’n. Leni har Snert en stoet mit worst en Peter har kovvie en zo kloarmoakt en teeg’n drai uur kwam het volk om onze boudel te keur’n en te koop’n.

Man, man, wat volk kwam er te kiek’n en te koop’n ! Ow ja, Kraant kwam ook nog laangs, wie mozzen met zien allen te kiek achter toafel. Tegen vief uur mozzen wie oaftell’n en toen wie bie ain waar’n, ging’n de kerstlanteerns op brug aan. Man, wie wizzen ja nait wat wie zaag’n. Snufferd viel ons oop’n van verboazing. Prachtig (het dai man van nr. 12 betoald huh, dai wol nog een groder feest d’r van hebb’n.)

Elk en ain vond ‘t  mooi en schier wat wie moakt haarn mit ons allen en hebb’n ons al vroagt of wie volgend joar weer zoiets doun en din nog groter, want dit was wel ’n mooi feest huh.

Tegen neegn uur was de boudel weer oproemt en op poar ding’n noa was er niks meer van over. Ja, de lanteerns bliev’n nog een poar week aan brug hang’n. Liekt hartstikke mooi!

Wie hebb’n ook nog eem een schoefploatjesfilmpje moakt, die kin je hieronder bekiekn en ook nog onder wat d’r nog meer tou gait holln in Staindaam.

[wds id=”4″]